AMD Strela

 

Нова кривична пријава против поранешниот градоначалник на Василево

Нова кривична пријава против поранешниот градоначалник на Василево
Објавено на: 14 Mar 2018

Секторот за внатрешни работи Струмица до Основното јавно обвинителство Струмица, поднесе кривична пријава против В.С (51) од с.Едрениково, поради постоење на  основано сомневање дека пријавениот сторил кривично дело „Злоупотреба на службена положба и овластување“  по чл.353  ст.1 од КЗ на РМ.

 Пријавениот во својство на Градоначалник на Општина Василево, искористувајќи ја својата службена положба, со пречекорување на границите на своето законско овластување, во текот на 2016 и 2017 година за туѓи потреби, односно за потребите на друго правно лице од Василево, како и за приватни патувања и одигрување на фудбалски натпревари надвор од Р.Македонија, на лица кои воопшто не биле вработени во Општина Василево им овозможувал  да ги користат службените возила на општината, иако тие лица немале право односно не ги исполувале законските услови за користење на службените возила на Општина Василево.

 Со таквите дејствија кои се состојат од давање на послуга на службени возила на Општина Василево, пријавениот овозможил прибавување корист на лица неовластени за нивно користење на штета на Општина Василево.

 По целосно расчистување и документирање на настанот од страна на СВР-Струмица  изготвена е кривична пријава и доставена  во ОЈО-Струмица

Извор: Соопштение на СВР Струмица

Media Flesh

 

ВИДЕО

FACEBOOK