AMD Strela
River Soft

 

Oдбележана 74-годишнината од убиството на народниот херој Благој Јанков – Мучето

Oдбележана 74-годишнината од убиството на народниот херој Благој Јанков – Мучето
Објавено на: 14 Jul 2018

Со пригодна свеченост пред Спомен плочата во градскиот парк, денеска, беше одбележана 74-годишнината од убиството на народниот херој Благој Јанков – Мучето. За животот и делото на херојот зборуваше градоначалникот на општина Струмица Коста Јаневски.

-Беше 14. јули како што е и денес. Беше пазарен ден – сабота, како што е и денес. Но, за разлика од денот денешен, тој 14. јули, пред 74 години, беше еден од најзлокобните денови што го паметат Струмица и струмичани. На тој ден во 1944 година, Струмица остана без најсветлиот лик во својата историја. Станува збор за Благој Јанков – Мучето, струмичанецот кој ја заслужува должната почит на секој оној кој ги љуби минатото, сегашноста и иднината на својот роден град, на секој оној кој искрено ја сака Струмица. Токму поради таа љубов кон Струмица и кон Мучето, повторно се собравме за да го одбележиме денот на неговото загинување и да се потсетиме, кој беше Мучето и за каква идеја се бореше и го положи својот живот. Во оваа прилика, кога ја одбележуваме 74-годишнината од денот на загинувањето на струмичкиот Народен херој, не смее да се заборави дека, да не се случеше тој 14 . јули 1944 година, Благој Јанков Мучето многу наскоро ќе се израдуваше на два значајни настана од нашата историја. Само 19 денови го делеа од Првото заседание на АСНОМ во манастирот Свети Прохор Пчињски, на кој требаше да биде еден од делегатите. Исто така, неполни два месеца го делеа Мучето, за да го доживее првото струмичко слободарско утро. За жал не ги доживеа тие два датума, иако со нетрпение ги очекуваше, но и ги заслужи. Но името Благој, презимето Јанков и прекарот Мучето, останаа да бидат револуционерен триптих и синоним на струмичкиот непокорен дух. Така било во овие изминати 74 години, така ќе остане за вечни времиња. Нека се знае, нека се памети и нека се прераскажува, дека Народниот херој Благој Јанков Мучето, беше, останува и ќе биде наша струмичка гордост. И затоа, треба да му бидеме вечно благодарни за се што направи за овој град и за сите поранешни, сегашни и идни генерации струмичани, рече Јаневски.

Пред Спомен плочата, почитувачите на овој херој положија свежо цвеќе, а рецитатори од Домот за деца и млади што го носи неговото име, рецитираа револуционерна поезија. Свежо цвеќе беше положено и пред и пред Спомен бистата во малиот градски парк.

Media Flesh

 

ВИДЕО

НАЈЧИТАНИ ВЕСТИ

Струмичани „гуворат„ чуден јазик: „Дај еден куросан за доо Трајанка“

Струмичани „гуворат„ чуден јазик: „Дај еден…

„Пари турувате ли у телефон?“; „Дај две кутии цигари без заби. Дај друга кутија. Таа ке га гледам ми…

Фото-Пејачките со стилот блеснаа во Валандово,но наградите ги заобиколија...

Фото-Пејачките со стилот блеснаа во Валандово,но…

Куси здолништа, длабоки деколтеа, високи потпетици, свечени фустани....Вака беа облечени македонските…

Во Дојран немаше игла каде да падне

Во Дојран немаше игла каде да падне

Дојран никогаш не бил пополн и попосетен за првомајските празници. На брегот и бројните сместувачки капацитети…

Инцидент на струмичкото корзо-двајца завршија во болница

Инцидент на струмичкото корзо-двајца завршија…

Вечерва околу 23 часот на струмичкото корзо се случи инцидент, во кој двајца засега непознати граѓани…

,,Моја кралице,, и Јордан Митев најдобри на Охридски трубадури

,,Моја кралице,, и Јордан Митев најдобри…

Фолк пејачот Јордан Митев на фолк-вечерта од фестивалот Охрид фест – Охридски трубадури 2014 со песната…

FACEBOOK