AMD Strela

 

Македонската православна црква-ОА доби нов владика-Епископ полјански Јаков

Македонската православна црква-ОА доби нов владика-Епископ полјански Јаков
Објавено на: 24 Nov 2018

Со одржување на наречение на новоизбраниот Епископ полјански Јаков, вечерва во црквата „СВети петнаесет“ во Струмица Светиот архиерејски синод на МПЦ-ОА на чело со поглаварот г.г. СТефан ја соопшти радосната вест дека тој е новиот, 13 владика на Синодот на МПЦ-ОА.

Пред голем број верници одлуката на Светиот синод за наречение на новоизбраниот Епископ Полјански Јаков, ја прочита поглаварот Стефан, а заедно со останатите владици ја водеше церемонијата на наречението на новиот Епископ на Светиот синод на МПЦ-ОА.

Инаку, Епископот полјански Јаков е досегашен старешина во манастирот „Свети Антониј и свети великомаченик Георгиј“, во Ново Село,Струмичко.

Тој сега ја носи титулата  Епископ Полјански и во иднина ќе биде викарен епископ на Митрополитот струмички господин Наум.

Одлуката на Светиот Архиерејски Синод на МПЦ-ОА е донесена на 29 септември оваа година, а чинот на хиротонија или ракополагањето ќе се случи утре на соборот на епископите, кој ќе се одржи во манастирот „Покров на Пресвета Богородица и Свети Леонтиј во Водоча“. Тука поглаварот на МПЦ г.г. Стефан заедно со членовите на синодот ќе отслужи и Божествена литургија на која ќе се изврши хиротонијата на новоизбраниот епископ Полјански Јаков.

 

Media Flesh

 

ВИДЕО

FACEBOOK