AMD Strela

 

Академија во Струмица за прераснувањето на Католичката црква од Егзархат во Епархија

Академија во Струмица за прераснувањето на  Католичката црква од Егзархат во Епархија
Објавено на: 01 Dec 2018

Со декрет на Папата Фрањо Католичката црка во Македонија доби статус на Епархија, а досегашниот поглавар д-р Киро Стојанов е именуван за Епархиски епископ на Католичката епархија „Успение на Пресвета Богородица Струмица-Скопје“.

По тој повод вечерва во Катедралната црква „Успение на Пресвета Богородица“ во Струмица се оржа свечена академија на која присутвуваа Префектот на Конгрегацијата за Источни цркви, кардиналот Леонардо Сандри, кој ги пренесе благословите од Папата, владици од католички цркви, гости од други цркви,свештеници и верници на Католичката црква.

Академијата почна со исполнување на химните на Република Македонија и Ватикан од страна на црковниот хор, а за значењето на добивањето на статус епархија за католичките верници зборуваше д-р Киро Стојанов, скопски бискуп и Епископ струмичко-скопски. Тој истакна дека тие први добиле статус на епархија во регионот.

-Сите наши соседни други држави практично имаат апостолски егзархат, а Македонија е прва која е препознаена од Светиот отец Папа за животот и живата црква во Република Македонија, рече поглаварот на Католичката црква во Македонија, д-р Киро Стојанов.

Утре по повод прераснувањето на Католичката црква во Епархија ќе се одржи литургија, која ќе ја предводи Префектот на Конгрегацијата за Источни цркви, кардиналот Леонардо Сандри. Тој ќе ги прочита декретите на Папата Фрањо за основање на Епархијата и именување и устоличување на д-р Киро Стојанов за Епархиски епископ на Католичката епархија „Успение на Пресвета Богородица Струмица-Скопје.

Media Flesh

 

ВИДЕО

FACEBOOK