AMD Strela

 

Општината и „Комуналец“ подготвени го дочекуваат првиот снег

Општината и „Комуналец“ подготвени го дочекуваат првиот снег
Објавено на: 04 Jan 2019

Снежните врнежи кои ја зафатија територијата на општина Струмица засега не предизвикуваат посериозни проблеми, освен на патниот правец кон населените места Попчево и Рич, каде што веднаш е активирана механизација за чистење на снегот од коловозот.

Општина Струмица и јавното претпријатие за комунални дејности „Комуналец“ ги информираат граѓаните дека ја следат состојбата со проодноста на улиците и патиштата и се е подготвено за навремено интервенирање.

На дел од тротоарите и улиците во градот се интервенираше со сол и ризла, како и во населените места Муртино, Банско и Габрово.

За зимското одржување на улиците и патиштата обезбедени се 35 тони сол и 25 тони ризла, обезбеден е циклон, подготвени се возилата за нивно распрскување и двете мали возила за расчистување на пешачките зони и тротоарите. Доколку има потреба, ќе биде активирана и дополнителна механизација.

Media Flesh

 

ВИДЕО

FACEBOOK