AMD Strela

 

Во Струмица се одржа инфо-ден за користење на средства од ИПАРД фондовите

Во Струмица се одржа инфо-ден за користење на средства од ИПАРД фондовите
Објавено на: 10 Jan 2020

На инфо-денот присуствуваа министерот за земјоделство, шумарство и водостопанство, Трајан Димковски, директорот на Агенцијата за финансиска поддршка во земјоделството и руралниот развој, Николче Бабовски, градоначалникот на Струмица, Коста Јаневски, земјоделци и претставници на земјоделски задруги и здруженија.

Министерот Трајан Димковски истакна дека за прв пат, после 12 години од имплементацијата на ИПАРД програмата, нашата држава нема да враќа пари во ЕУ поради слаба искористеност на фондовите, туку напротив, поради зголемениот интерес ќе бидат потребни уште пари за дореализација на програмскиот период. Додаде дека овој месец, во тек се инфо-деновите наменети за информирање и појаснување на условите за поднесување на барања за мерката 3 „Инвестиции во основни средства за преработка и маркетинг на земјоделски и рибни производи“, од ИПАРД 2.

-Денеска, од трибината во Струмица организирана како дел од кампањата ИПАРД инфо - денови, им порачав на присутните да поставуваат прашања за се што ги интересира во врска со мерката 3 и со условите за аплицирање, потсетувајќи ги дека јавниот повик за оваа мерка беше објавен пред две недели и ќе трае заклучно со 11-ти февруари. Мерката им овозможува на фирмите и на земјоделските задруги да инвестираат во отворање на преработувачки капацитети и опрема, при што 50 отсто од инвестицијата ќе им биде кофинансирана.Само за споредба, во текот на целиот програмски период од ИПАРД 1 Програмата 2007-2013 год., искористеноста изнесуваше само 17 проценти. Денеска, ЕУ ја посочува нашата држава како најуспешен пример во регионот, за искористеност на европските фондови, иако програмскиот период за ИПАРД 2 уште не е завршен, што значи дека процентот на реализација и понатаму ќе расте, рече министерот Димковски.

На инфо-денот во Струмица зборуваа и директорот на Агенцијата за финансиска поддршка во земјоделството и руралниот развој, Николче Бабовски и градоначалникот на Струмица, Коста Јаневски.

Media Flesh

 

ВИДЕО

FACEBOOK