Брера Струмица се засили со репрезентативец на Малави

Македонскиот фудбалски прволигаш Брера Струмица ги засили своите редови пред стартот на пролетниот дел од сезоната во домашното првенство со репрезентативецот на Малави, Јан Коуаку.

Дваесетишестгодишниот центарфор, како што соопшти Брера, веќе му се приклучил на тимот на подготовките во турска Анталија.

Коуаку, кој е роден во Брегот на Слоновата коска, а поседува француски пасош, во ноември лани дебитираше за репрезентацијата на Малави.

Во таборот на Брера доаѓа од Еуропа Поинт од Гибралтар, а претходно во кариерата настапуваше за екипи од Франција, Австрија, Италија, Андора, Полска, Шведска и Романија.

Коуаку е второто засилување на Брера во зимскиот преоден рок по 22-годишниот поранешен младински репрезентативец на Хрватска, Леонардо Петровиќ.

ФОТО: ФК Брера Струмица/Фејсбук