(ВИДЕО) Македонецот Никола Станишиќ победник на „Sвездите на Гранд“
Младиот Никола Станишиќ од Скопје е победник на регионалното натпреварување „Ѕвездите на Гранд“. Со 138.714 гласови, титулата му припадна на талентираниот Македонец кој беше во тимот на Светлана Цеца Ражнатовиќ.
Со солзи во очите и многу емоции, победата ја прославо со песната „Бисер балкански“ и со македонското знаме.
Победничката статуа му ја додели Сузана Јовановиќ, сопругата на покојниот Саша Поповиќ, а оваа година беше воведена и посебна награда – плакета со името на Поповиќ во спомен на ликот и делото на човекот кој ја создаде најголемата музичка империја на Балканот и ја основа „Ѕвездите на Гранд“.
Покрај признанието и статуата, Никола беше награден и со автомобил „фиат“, како и комплетен маркетинг што ќе му помогне во неговата понатамошна кариера.
Инаку, Никола скоро во целиот тек на натреварувањето пееше македонски песни, а еден од најтрогателните моменти од финалето беше кога тој ја изведе песната „Ако утре ме нема“ од групата „ДНК“, посветувајќи ја на жртвите од трагичниот пожар во Кочани.
