Велигденска честитка од градоначалникот Петар Јанков

По повод големиот христијански празник Велигден, градоначалникот упати честитка до сите граѓани, истакнувајќи ја длабоката симболика и значење на Воскресението Христово како вечен извор на надеж, љубов и духовна сила.

-Христос Воскресна – Навистина Воскресна! Со овој вековен поздрав ја споделуваме радоста, вербата и светлината што овој празник ги носи. Нека Велигден биде поттик за обнова на духот, за зацврстување на меѓусебната почит и солидарност, и нека ни донесе храброст да чекориме напред со добрина во срцата и љубов во делата, се вели во честитката.

Градоначалникот Јанков им посакa на сите граѓани празнични денови исполнети со мир, здравје и благосостојба, со надеж дека добрината ќе надвладее, а заедништвото ќе биде водилка во секојдневието.