Ангов:Честит празник Богојавление – Водици!

Денес го одбележуваме големиот христијански празник Богојавление – Водици, ден на осветување, духовно прочистување и зацврстување на верата. Овој свет ден е симбол на нов почеток, благослов и сплотеност, кој нè поттикнува да ги негуваме христијанските вредности и нашите традиции.

Во овие моменти, кога чинот на осветување на водата ни носи некој неопислив спокој и смиреност, дозволете ми да посакам здравје, мир и напредок за секое семејство во нашата општина. Нека љубовта и разбирањето продолжат да бидат темелите на нашата заедница, а Дојран, како место со богата историја и убавина, нека блеска со гордост и заедништво.

Упатувам искрени честитки до Мите Пејков како и до сите верници кои денес запливаа во осветената вода на Дојранското Езеро, пливајќи по светиот крст.

Ви посакувам здравјето, успехот, топлината и мирот во срцата да ви бидат постојани и верни придружници.

Драги дојранчани, ценети верници, посакувам празникот да го поминете во радост и хармонија, во добро здравје и спокој со најблиските.Бог се јави! Навистина се јави!