Дошол да продава во Струмица, а четворица струмичани му украле 160 вреќи со компир

СВР Струмица соопшти дека вчера во Струмица полициски службеници од ги лишиле од слобода Ј.А.(40), М.А.(34) и Р.Д.(31), сите од Струмица. Лицата се сомничат дека ноќта на 27/28.11.2025 година извршиле кражба на поголем број вреќи со компир, од товарно возило „мерцедес“ со тетовски регистарски ознаки, кое било паркирано во Струмица, сопственост на Ќ.С. од с. Горна Речица, тетовско.

Во просториите на СВР Струмица бил повикан и И.А.(38) од Струмица, кој исто така се сомничи дека заедно со Ј.А., М.А. и Р.Д. го сториле делото. Со сите лица се извршени службени разговори, истите го признале делото, по што од Ј.А. и М.А. биле одземени 160 вреќи со компир, кој ги одзеле при вршење на кражбата и истите се вратени на сопственикот.

За настанот е запознаен јавен обвинител од Основното јавно обвинителство Струмица, а по документирање на случајот против лицата ќе биде поднесена соодветна пријава.

Фото: илустрација архива