Општинските инспектори извршиле 43 вонредни инспекциски надзори од почетокот на ноември

Инспекторите од Секторот за инспекциски работи при општина Струмица во текот на месец ноември, односно од 01.11.2025 до 24.11.2025 година, извршиле вкупно 43 вонредни инспекциски надзори со цел превентивно и репресивно делување за спречување или намалување на штетните последици од загадувањето на амбиентниот воздух, животната средина,како и обезбедување на јавната чистота на јавните површини, а согласно важечките законски прописи.

Една од локациите за вонреден инспекциски надзор беше улицата „Антон Панов“, на којашто многу често се фрла отпад од стари моторни возила на земјиште во сопственост на правни и физичка лица и на јавна површина.

Од страна на општинските инспектори, а во соработка со СВР Струмица се обезбедени материјални докази за кривичен прогон.

Во овој временски период, од страна на општинскиот инспектор за животна средина, се извршени 12 вонредни инспекциски надзори, општинските комунални инспектори извршиле 17 вонредни инспекциски надзори и општинските градежни инспектори 14 вонредни инспекциски надзори.

Врз основа на затекнатата состојба, против правните и физичките лица кои не ги почитуваат законите ќе бидат поднесени соодветни пријави.

Секторот за инспекциски работи продолжува активно да работи и во следниот период, а до сите правни и физички лица апелира на законско работење и однесување со цел да се намали аерозагадувањето и да се зголеми јавната чистота во Општината.