Ричлиев не е повеќе кормилар на шампионот Струмица
Кирил Ричлиев, долгогодишен тренер и играч на ОК „Струмица 47&72“, не е повеќе на кормилото на екипата. Тој во средината на март поднел оставка и по освоени 11 шампионски титули и 9 куп титули реши да стави крај на неговиот ангажман во клубот во кој помина 41 години како играч и тренер.
Тој вели дека оставката ја поднел заради недоразбирање и различни мислења со управата на клубот.
На полуфиналните натпревари од Купот, кои утре почнуваат во Радовиш, екипата ќе ја предводи досегашниот помошник на Ричлиев, Ване Ристоманов.
Фото: архива
