Левица – Струмица ја поднесе кандидатската листа за советници, носител е Јасмина Пијанманова

Политичката партија Левица, преку својот локален огранок во Струмица, ја поднесе листата со кандидати за членови на Советот на Општина Струмица за претстојните локални избори.

Носител на листата е Јасмина Пијанманова, дипломиран етнолог и магистер по културен менаџмент. Во соопштението од партијата, таа е претставена како долгогодишен истакнат културен работник и активист за подобрување на локалните и националните културни политики.

Од партијата истакнуваат дека на гласачите во Струмица им нудат „пожртвувани, храбри, чесни и борбени луѓе кои сакаат да го менуваат воспоставениот коруптивен систем“.

„Тие ја прифатија кандидатурата не поради функции, привилегии или интереси, туку со чист образ и искрена намера да му служат на народот. Тоа се луѓе кои не се плашат да се спротивстават на неправдата и не калкулираат со својот интегритет“, се наведува во дописот од Левица.

На листата се наоѓаат вкупно 23 кандидати.

Комплетна листа на кандидати за советници на Левица во Струмица:

1. Јасмина Пијанманова
2. Звонко Манзаклиев
3. Никола Христоманов
4. Јулија Грчева
5. Ѓорѓи Станковски
6. Драги Рашковски
7. Стојанка Тимовска
8. Александар Младеновски
9. Тони Филев
10. Мара Манева
11. Звонимир Захов
12. Виолета Марковиќ
13. Атанас Мелев
14. Костадин Кречев
15. Јулијана Стојановска
16. Васе Петров
17. Наско Илијев
18. Благица Карастоева
19. Гордана Гајдаџиева
20. Ѓурѓица Шарламанова
21. Коста Атанасовски
22. Елизабета Филева
23. Герас Шопов