Донираните органи од девојката до сега спасија три животи

Успешно заврши првата трансплантација на бубрезите кои доцна во ноќта беа експлантирани на Клиниката за урологија, објави министерот за здравство, Венко Филипче.

Во тек е втората трансплантација кај 40 годишен пациент со хронична бубрежна болест кој исто така ќе добие бубрег од починатиот донор.

Благодарение на семејството на 21 годишната девојка кое ги донираше органите, до сега се спасија три животи.

На Клиниката за ортопедија ќе се трансплантираат коски и делови од меки ткива кај пациенти со ортопедски болести во текот на следната недела.