Одбележани 69 години од раѓањето на претседателот Борис Трајковски

Со пригодна свеченост општина Струмица денеска ја одбележа 69 годишнината од раѓањето на трагично загинатиот претседател на Македонија Борис Трајковски. Пред споменикот „Македонија“ подигнат во негова чест во големиот градски парк, членови на семејството Трајковски, претставници на општина Струмица, политички партии, институции и организации положија свежо цвеќе, а за неговиот живот и дело зборуваше Ице Беличев, член на Советот на општина Струмица.

Стихови за Борис Трајковски читаа наградени учесници на литературниот конкурс што го распиша библиотеката „Благој Јанков Мучето“ од Струмица.