Запрежно возило натоварено со бесправно исечени дрва излетало од патот од планината Плачковица кон Радовиш, едно лице потешко повредено

МВР соопшти дека вчера во 14:30 часот во Полициската станица Радовиш е пријавено дека на регионалниот пат Р 2431 од планината Плачковица кон Радовиш, запрежно возило натоварено со бесправно исечени огревни дрва, излетало надвор од патот. При тоа, со тешки телесни повреди се здобил Џ.Б.(23) од Радовиш, а повредите биле констатирани во Медицински центар Штип.

Увид на местото е извршен од екипа на ОВР Радовиш. А.Б. (45) и К.Б., кои исто така се превезувале на запрежното возило, со возилото го напуштиле местото на настанот, но по преземени мерки од  страна на полициски службеници, возилото и дрвата се пронајдени и предадени на Шумска полиција Радовиш.