Кандидатите за градоначалник на Струмица и носителите на советничките листи ставија потпис на Кодексот за фер и демократски избори

Марјан Даскаловски од СДСМ, Петар Јанков од ВМРО-ДПМНЕ, Ристо Цасконоје од Единствена Македонија и Драган Котуровиќ, независен кандидат, синоќа го потпишаа Кодексот за фер демократски избори. и се обврзаа дека во предизборната кампања ќе ги почитуваат сите закони и прописи, ќе го почитуваат владеењето на правото при организирање и спроведување на изборите.

Кодексот за фер и демократски избори го потпишаа и носителите на кандидатските листи за членови на Советот на Општина Струмица- Александар Илиев од ЗНАМ, Миле Гогов од СДСМ, Никола Маџунков од ВМРО-ДПМНЕ, Синан Мустафа од Демократска партија на Турците и Ѓорги Танушев од Стига е.