НОВИ ЗЕЛЕНИ ПОВРШИНИ ВО ГРАДИНКАТА „ВИНОЖИТО“ – СТРУМИЦА

Дворот на ЈОУДГ „Виножито“ – Струмица доби нови зелени површини преку реализацијата на проектот „Зелена иднина: од градинка до училиште“, организиран од компанијата dm, соопштија денеска од Општина Струмица.

Во денешната активност учествуваше и градоначалникот на Струмица, Петар Јанков и претставници од општината кои заедно со децата засадија нови садници и дадоа свој придонес кон создавањето позелена и поздрава животна средина.

ЈОУДГ „Виножито“ беше избрана за пошумување на дворот по одобрената пријава на конкурсот. На овој начин институцијата останува посветена на создавање подобри услови за престој, игра и развој на најмладите.

Општина Струмица ги поддржува иницијативите што придонесуваат за заштита на животната средина и развивање на еколошката свест уште од најрана возраст.