Брера со четврта победа по ред, падна и Тиквеш во Струмица

Брера Струмица ја запиша четвртата победа по ред во македонската Прва лига, откако денеска славеше со 2-0 против Тиквеш на домашен терен.

Младинскиот репрезентативец Христијан Малески го отвори резултатот во 71. минута, додека победата за струмичани ја запечати Мартин Георгиевски во 97. минута.

Со оваа победа тимот на Брера е осамен на врвот на табелата и има 12 бодови, додека Тиквеш останува на третата позиција со шест бодови.