Честитка од градоначалникот Костадинов по повoд Светскиот ден на детото

Денес, на глобално ниво се одбележува 20 Ноември – Светскиот ден на детето.

Има многу нешта на овој свет кои можеме да ги наречеме „богастства“, но сите тие богатства имаат своја цена и „тежина“. Само детето е непроценливо богатство од кое поголемо нема.

Најискрените и најчистите души го заслужуваат сето наше внимание, вниманието на заедницата и општеството, но и на целата наша планета. Не смееме да ги затвораме очите пред ужасите на денешнината во кои се убиваат недолжни деца. Не смееме да дозволиме децата да бидат изложени на насилство, злоупотреба и експлоатација.

Наша должност е да им овозможиме на децата услови за безгрижно детство и можности за нивно воспитување и образување. Само така ќе го исполниме нашиот завет, да создадеме нови и успешни градители на еден поубав свет.

Нека е честит и вековит 20 Ноември – Светскиот ден на детето.