„Голф“ излетал на патот во Стојаково, тројца повредени

Денеска во 04:00 часот било пријавено дека во село Стојаково, Општина Богданци, Б.П.(18) од Богданци, управувајќи патничко возило „голф“ со гевгелиски  регистарски ознаки,  изгубил контрола и излетал надвор од патот, соопштија од СВР Струмица.

Во несреќата со тешки телесни повреди се здобил сопатникот Б.П.(18) од Кавадарци, а со телесни повреди се здобиле возачот и сопатникот Д.П.(22), и двајцата од Богданци, констатирани во Медицинскиот центар Гевгелија.

Увид на местото извршила екипа на Полициската станица Гевгелија.