Костадинов:трета година по ред Струмица е музичкиот центар на Балканот и пошироко!

-Домаќини сме на светски познати имиња од музичката сцена, поддржани од талентираните локални музички артисти, комбинација со која ги отворивме вратите за илјадници гости и посетители од регионот. За Струмица „Get EXITed“ е повеќе од фестивал. Ова е настан кој го поттикнува економскиот раст во Струмица, поддржувајќи ги локалните бизниси и создавајќи можности за нашите граѓани. Со овој настан, Струмица трета година по ред е дестинација за културен туризам, привлекувајќи посетители кои придонесуваат за просперитетот на нашата општина, објави градоначалникот на Струмица, Костадин Костадинов, по третиот „Get EXITed“, кој се одржа синоќа.