Поддршка од „Еуромакс“ за струмичкото сточарство

На падините на Огражден, во местото Кравичево, Илчо Стојков од Иловица одгледува стадо со 100 грла. Семеен бизнис со кој се занимаваат најмалку 20-тина години. Кравите кои ги чува вели дека се само за продажба на телиња, но не и за млекото. Според Стојков ова е напорна работа со која се занимавал и татко му, а денес целото семејство е вклучено во сточарскиот бизнис. Трудот што го вложуваат им обезбедува егзистенција за него, сопругата и трите сина кои уште се школуваат.

„Главниот предизвик е да се обезбеди храната за добитокот затоа што е големо стадо и треба количински да се собере доволна храна. И во тоа помагаат сите, па и синовите. Затоа одгледувам пченка, но додека да се собере родот и да се подготви за да се транспортира до шталите, треба многу време. Повеќе пати досега аплицирав за помош за да набавам берач за пченка. Се пријавив и на повикот на „Еуромакс“ со Групацијата „Трафигура“, кои даваат поддршка за развој и на земјоделството и сточарството и ми ја одобрија донацијата за набавка на приклучна механизација за берење на пченка“, вели Стојков.

Практично, оваа приклучна механизација значително ќе ја олесни работата на Стојков околу обезбедување храна за добитокот. Покрај намалување на времето потребно за берење, така и на трошоците поврзани со таа активност.

„За да ги соберам пченките од површина од околу 3-4 декари, треба да повикам и 4 до 5 аргати и со нив од сабајле до вечер да работиме. Сега сам ќе излезам со тракторот, многу побрзо ќе ја соберам пченката и ќе подготвам храна за добитокот. Нема трошоци за помошна рака, скратено време на работа, сẻ е полесно. Ова е шанса што не се пропушта и многу сум среќен што ми ја одобрија донацијата“, вели Стојков потенцирајќи дека на регионот му се потребни донатори од бизнис секторот, кои како „Еуромакс“ би го поддржале локалното сточарство.

„Еуромакс Ресоурцес“ со Групацијата „Трафигура“ изминатиов период, во соработка со невладиниот сектор, обезбедија приклучна механизација за најмалку 26 жени кои се занимаваат со земјоделство и сточарство во регионот.

(комерцијална објава)