Со боја оштетен билбордот на Бујар Османи во Струмица

На 22.04.2024 во 10.00 часот во Полициската станица Струмица, било пријавено дека со боја е оштетено рекламно пано  (билборд) на кандидат за претседател на претстојните избори, кое било поставено на раскрсницата од улиците „4-ти Јули“ и „Ленинова“ во Струмица, соопштија денеска од СВР Струмица.

Билбордот е на претседателскиот кандидат Бујар Османи, кој е поставен во Струмица од почетокот на кампањата за првиот круг на претседателските избори.

Од полицијата велат дека се преземаат мерки за расчистување на случајот.