Заради замрзнат коловоз на автопатот „Пријателство“ кај село Миравци тешките товарни возила се пренасочуваат по стариот пат

Од АМСМ известија дека од 08:50 часот поради замрзнување на коловозот на автопатот „Пријателство“ кај село Миравци тешките товарни возила се пренасочуваат преку стариот пат Удово – Демир Капија.

Другите магистрални и регионални патишта во Југостиочниот регион засега се проодни за сите видови возила.

Инаку, времето денеска ќе биде облачно и студено насекаде со врнежи од снег, а на места, особено во западните делови ќе бидат обилни (локално над 40 л/м2). На повеќе места ќе се формира снежна покривка, а на планините значително ќе се зголеми (локално и над 50 см). Позначителна снежна покривка (над 20 см) ќе се формира и во југозападните делови. Поради ниските температури и засилениот северен ветер ќе има појава на голомразица и снежни наноси. Максималната температура ќе достигне од -3 до 4 степени.

Фото: архива илустрација