Во Југоистокот горат четири пожари

Регионалниот ЦУК Струмица, известува дека пожарот помеѓу Негорци и Кованец, Општина Гевгелија, што избувна на 12 јули се уште е активен и се шири кон населеното место„Серменин“. Во текот на денот дејствуваат 5 хеликоптери, 17 пожарникари со 1 теренско возило и 2 ПП возила од ТППЕ Гевгелија, 5 пожарникари со 1 ПП возило од ДППД Дојран, 23 вработени во ШС „Кожув“ Гевгелија со 2 теренски возило и 1 специјално ПП возило, 35 вработени во ЈПКД „Комуналец“ Гевгелија. Исто така на терен присутна е и Итната медицинска помош со еден тим (возач, доктор и медицинска сестра) со 1 возило.

Пожарот што се појави 15.07.2024 година над Радовиш кај село Штурово, се активираше повторно, беше појавено ново жариште на околу 200 метри од веќе изгаснатиот пожар. Гори нискостеблеста шума. Екипи на ТППЕ, Армијата, Национални шуми се на терен и го гаснеле пожарот. Интервенирано е со хеликоптер за гасење пожар на планината Плачковица. под контрола, но се уште не е целосно изгаснат. Во интервенцијата учествуваат ТППЕ Радовиш со 15 пожарникари и 4 теренски возила, 15 од ЈПНШ Плачковица и 30 припадници од АРСМ. Гори сува трева, бор, деградирана шума и даб. Неофицијално зафатена е површина од 50 – 90 хектари.

Шумскиот пожар над село Бадилен, Општина Ново село се уште е активен. Зафатена е дабова и борова шума на површина од околу 700 хектари. Во текот на денот дејствувале ТППЕ Струмица со 3 пожарникари со 1 теренски возила и од месно население кои има викендици во село Бадилен. Околу 12.30 часот во гаснењето вклучени биле 2 хеликоптери 1 од Турцуја и 1 од Р.Србија, а во 14 .30 часот и 2 хеликоптери од Словенија . Со едниот од хеликоптери беа евакоирани градоначалникот и пожарникарите и кои беа обиколени од пожарот и беа во опасност. Со гаснењето раководи градоначалникот на Општина Ново Село. Во 19.00 часот се одржа состанок на Кризниот штап и ќе се олучува за дејствување во текот на утрешниот ден.

Пожарот кај селата Долни и Горни Липовиќ, Општина Конче не се шири и е под контрола. Се гледа чад од опожарената површина се работи на на негово гаснење. На теренот има 8 луѓе од кои 3 од Национални шуми, 3 од ДППД и 2 од ловно друштво.