Костадинов:Со огромна тага ја примив веста за трагичната несреќа во Нови Сад

-Со огромна тага ја примив веста за трагичната несреќа во Нови Сад, која остави зад себе загубени животи и длабока болка, објави градоначалникот на Струмица, Костадин Костадинов.

Во овие тешки мигови, нашите мисли се со семејствата на настраданите, кои загубија свои блиски и се соочуваат со незамислива загуба. Им изразувам најискрено сочувство и поддршка, надевајќи се дека ќе најдат сила за да ја пребродат оваа трагедија.

На повредените им посакувам брзо и целосно закрепнување, а на сите медицински тимови и спасувачи кои неуморно работат во овие услови им упатувам благодарност и поддршка.

Овој настан не потсетува на важноста на меѓусебната солидарност и поддршка, напиша струмичкиот градоначалник.