Див приклучок на јавното осветлување во Радовиш предизвика прекин на повеќе улици

Див приклучок на струја на разводната табла на градското јавното осветлување предизвика прекин во снабдувањето со електрична енергија на следните улици: Шаин Маале, Калузлиска, Плачковица (дел), Стојмен Трајков, Мирче Ацев, Готен, Стив Наумов (дел), Серта и дел од улица Мито Хаџивасилев, информираа од Општина Радовиш.

-Тековно се врши увид во состојбата и се проценува материјалната штета по што ќе следува санација. Екипите работат на терен, се замолуваат засегнатите жители да имаат разбирање.Воедно сакаме да ја информираме јавноста дека дивото приклучување на дистрибутивната мрежа е кривично дело и претставува голем ризик за пожар, стои во информацијата од општината.