“Фолклорна Низа” на 21 декември ќе го одржи традиционалниот заеднички новогодишен концерт – Големи и мали

Годинава за прв пат концертот на Фолклорна Низа, ќе биде поделен на два дела. Во Домот на АРМ ќе се одржат два концерти-во сабота на 21 декември од 18:00 и од 20:00 часот.

На традиционалниот  заеднички новогодишен концерт Големи и мали, ќе настапат 100 членови на Фолклорна низа, од најмалите до ветеранките.

Љубовта кон фолклорот тие ќе ја покажат со различни кореографии, сплетови, ора и обичаи и ќе понудат уште една незаборавна вечер каква што членовите на Фолклорна низа знаат да направат.

Гости на концертот ќе бидат ЖФГ „Радовишанки Етно“ од Радовиш.

Новогодишниот концерт на Фолклорна Низа ќе има и хуманитарен карактер. Ќе биде поставена кутија за донација каде ќе може да се оставаат парични средства. Собраните средства  Здружението за ора и песни Фолклорна Низа ќе ги донира  во Елеуса Фондација.

Уживајте во фолклорот, бидете хумани, бидете дел од концертите на Фолклорна Низа.

Влезот е слободен.