fbpx

Костадинов ги презентираше позитивните практики на Струмица на Регионалната конференција во Тирана

 Костадинов ги презентираше позитивните практики на Струмица на Регионалната конференција во Тирана

Регионалната конференција на тема “Безбедни. Зелени. Решенија за паметни градови: Ризик и можности за Западен Балкан“, на иницијатива на Американската Администрација поддржана од “AmCham” Албанија и Американската Амбасада, а во чии рамки учествуваше и градоначалникот на општина Струмица, Костадин Костадинов, заврши денес.

Во Тирана, Албанија, како дел од конференцијата, на едно место беа обединети претставници на водечки технолошки компании и Градоначалници од Западен Балкан, кои дискутираа на теми од областа на енергетиката, екологијата, урбаниот развој, дигитализацијата, можностите за финансирање на капитални проекти и воспоставување на соработка помеѓу „паметните“ градови.

Во вториот ден од конференцијата, како дел од дискусијата на тема „Добри практики: Време за Урбан Развој преку Зелени Инвестиции“, присутните имаа можност да ја проследат презентацијата на градоначалникот на Општина Струмица, во чии рамки беа опфатени проектот „Струмица – Паметен Вело Град“ и проектите и активностите кои оваа општина ги спроведува од областа на енергетската ефикасност.

Со реализацијата на конференцијата и размена на искуствата на авторитетите од државите и претставниците на приватниот сектор, се дискутираше за можностите и потенцијалите за развој на градовите од регионот како “паметни градови“, преку имплементација на иновативни решенија од различни области, а сѐ со цел зголемена имплементација на безбедни, зелени паметни решенија и унапредување на квалитетот на живеење.

Share via
Copy link