На подрачјето на СВР Струмица биле констатирани 18 прекршоци сторени од страна на возачи на мотоцикли

На 19.09.2021 година во периодот од 16.00 до 22.00 часот на подрачје на Секторот за внатрешни работи Струмица биле преземени засилени мерки над учесниците во сообракајот, при што биле констатирани 18 прекршоци сторени од страна на возачи на мотоцикли. Од нив 7 прекршоци биле за неносење заштитен шлем (кацига), 6 за управување без возачка потврда (дозвола), 1 за управување на мотоцикл по изминување на важноста на регистрацијата и 4 останати видови прекршоци.

Сите констатирани прекршоци биле соодветно санкционирани.