Околу 200 ученици од Струмица го изучуваат кинескиот јазик

На средбата на градоначалникот на општина Струмица Костадин Костадинов со Амбасадорот на НР Кина во Република Северна Македонија, Н.Е. Џанг Ѕуо во февруари годинава, беше разговарано за организирање на курсеви по кинески јазик за учениците од училиштата во надлежност на општина Струмица.

Бесплатни онлајн курсеви по кинески јазик се реализираат од почетокот на месец мај за околу 200 ученици од основните и средните училишта од општина Струмица од страна на висококвалификувани наставници од Институтот „Конфучиј” при УКИМ.

Исто така, учениците имаат можност да се запознаат со различни аспекти на кинеската култура преку настаните кои Институтот ги организира по повод кинеските традиционални празници, културни манифестации, предавања и промоции.