Томчо Стојчев е нов директор на ЈПЕД „Струмица Гас“

-Стојчев е високообразуван и реномиран стручњак, дипломиран машински инженер и магистар по технички науки, кој зад себе има богато и разновидно професионално искуство. Неговата кариера се одликува со долгогодишна и успешна работа во приватниот сектор, каде што стекнал длабински практични знаења, управувачки вештини и резултатска ориентација, неопходни за водење на сложени технички и инфраструктурни системи, објави на неговиот профил градоначалникот на Струмица, Петар Јанков.

-Покрај тоа, како инспектор за безбедност и здравје при работа во Државниот инспекторат за труд, Стојчев покажал исклучителна посветеност на почитување на законските прописи, заштита на работниците и унапредување на стандардите за безбедност, со што се истакнал како професионалец со висок интегритет, одговорност и чувство за јавен интерес.Со оваа одлука за избор на стручен, докажан и визионерски кадар, се прави значаен исчекор кон модерно, ефикасно и одговорно управување со претпријатието. Назначувањето на Томчо Стојчев претставува јасна определба за зголемување на безбедноста, ефикасноста и квалитетот на услугите, како и за забрзан и одржлив развој на гасификацијата, што директно ќе придонесе за економскиот развој, енергетската стабилност и подобар квалитет на живот на граѓаните на општина Струмица, напиша Јанков.