Заради пандемијата нема да се одржат јавните собири со граѓаните од месните и урбаните заедници

-Ве известувам дека заради пандемијата со вирусот Ковид-19 и почитувањето на сите мерки на претпазливост, а кои се насочени кон што поголема внимателност и грижа за здравствената состојба на сите нас, оваа година нема да се одржуваат јавни собири со граѓаните од месните и урбаните заедници, соопшти градоначалникот на Струмица, Коста Јаневски.

Ги повикува сите коишто имаат предлози од областа на инфраструктурата и комуналното уредување, а кои се во надлежност на Општината, да ги поднесат до претседателите на урбаните и месните заедници, кои потоа ќе бидат доставени до Одделението за услуги на граѓаните и месна самоуправа на општина Струмица, за да можат да бидат разгледани и да влезат во Програмата за комунално уредување 2021 и подготовката на Буџетот за 2021 година на општина Струмица.

Дополнителни информации може да се добијат од лицето за контакт, Миле Тимов на телефонскиот број 034 336 120.