Сѐ е подготвено за големата Get EXITed забава во Струмица – влез слободен!

Големата Get EXITed забава ќе се одржи утре, 7 септември во Градскиот парк во Струмица, а ќе настапат возбудливите имиња од светската и регионалната музичка сцена – Дебора Де Лука, Махмут Орхан, Сенида и Кристијан Молнар ќе приредат летна забава за паметење! Поддршката од домашната сцена пристигнува со настапите на Дина Јашари и Другари, 21 Век и диџеите Гоце С.А.Ф. и Чваре (Фанки Фреш), а посебна атмосфера и врвно искуство за сите посетители на настанот ќе обезбедат винските и гастрономските специјалитети, по кои Македонија е надалеку позната. Програмата почнува во 19 часот, а влезот е слободен за сите посетители.

Портите во Градскиот парк ќе бидат отворени во 19:00, кога ќе започне и настапот на составот  Дина Јашари и Другари, а во 19:45 пред публиката ќе се претстави и култниот македонски бенд 21 Век. Диџејската увертира од 20:35 часот ќе ја приредат Диџеј Гоце САФ и Диџеј Чваре (Фанки Фреш), по што во 21:40 бината ќе ја освои регионалната трап-кралица Сенида. Исчекуваниот настап на глобалниот хитмејкер, продуцент и диџеј Махмут Орхан закажан е за 22:55, а половина час по полноќ пултот ќе го преземе едно од најбараните регионални диџејски имиња Кристијан Молнар. Get EXITed забавата ќе ја круниса италијанската техно-ѕвезда Дебора Де Лука, која ќе настапи во 02:00.

Дел од Get EXITed забавата ќе биде и разновидниот вински и гастрономски саем, кој ќе почне во 19 часот и ќе трае во текот на целата вечер.  На саемот пристигнуваат најдобрите винарии и локалните произведувачи на традиционални органски специјалитети на македонската кујна. Некои од најдобрите готвачи од најпознатите струмички ресторани и учениците на СОУ „Димитар Влахов“ од угостителско – туристичката струка, профил готвач, заедно ќе подготвуваат локални специјалитети. Дел од саемот ќе бидат и штандовите на малите произведувачи и земјоделци со органски производи.

Временската прогноза за среда, 7 септември најавува сончево и топло време со температура и до 30 степени, идеално за највозбудливата летна журка во струмичкиот Градски парк во срцето на градот.