„Комуналец“ почна со реконструкција и изградба на нова канализациска мрежа на улицата „Младинска“

ЈПКД „Комуналец„ Струмица започна со реализација на проектот за реконструкција на постојната и изградба на нова атмосферска канализација на улицата „Младинска“.

Со проектот е планирано поставување на 200 метри нова атмосферска канализациска мрежа со широчина на цевки ф 600 мм, од која водата ќе истекува во каналот на улица „Крушевска Република“ со што на делот од улицата „Младинска“ кај поранешната Кожара ќе се надмине проблемот со поплавување од поројни дождови.

Од „Комуналец“ ги известуваат граѓаните дека поради присуство на градежна механизација и работници на улица „Младинска“ потегот од улицата „Тимо Тренчев“ до улицата „Широк дол“ е затворен за сообраќај.