Честитка од градоначалникот Костадинов по повод Меѓународниот ден на младите

Мои млади сограѓани,

Од многуте напишани мудрости за Вас – младите, една мудрост е најблиска до вистината, а таа гласи: „На младите светот останува“.

Не дозволувајте она што е напишано да остане само на хартија, туку погрижете се општината, татковината и светот да ги направите подобри отколку што сте. Младите тоа го можат затоа што се највредната сила на секое едно општество.

Бидете свесни за своите квалитетни предиспозиции и за капацитетот со кој располагате. Искористете ја шансата која ви ја овозможува младоста со сите нејзини позитивни белези.

Општина Струмица била, е, и ќе биде Ваш верен поддржувач на патот по кој одлучно чекорите. Мојата и нашата верба во Вас останува силна и непоколеблива.

Нека ви е честит 12 Август – Меѓународниот ден на младите.