Потпишан договор за подобрување на комуналните услуги во Југоисточниот регион

Центарот за развој на Југоисточниот плански регион со општините Богданци и Ново Село официјално го потпишаа договорот за реализација на проектот „Подобрување на комуналните услуги во Југоисточниот плански регион преку набавка на возила за општините Богданци и Ново Село“, со вкупна вредност од 8.039.172 денари, од кои основното финансирање е обезбедено од Министерство за локална самоуправа за намалување на диспаритетите меѓу и во рамките на планските региони за зголемување на регионалната конкуретност за 2025 година и со сопствено учество на двете општини Богданци и Ново Село.

Во рамки на овој нов регионален проект, ќе се набават специјализирани возила за собирање отпад со цел да се зголеми ефикасноста на комуналните услуги и да се подобри хигиената во населените места. Проектот директно придонесува кон намалување на дивите депонии, зајакнување на капацитетите на јавните комунални претпријатија и подобрување на животната средина и јавното здравје.

Очекувани резултати:- поефикасно и редовно собирање отпад,намалување на неконтролираното фрлање отпад,- зголемена доверба на граѓаните во општинските служби,- намалени трошоци за одржување и замена на дотраени возила,- подигнат квалитет на живеење.

Овој проект претставува важен чекор кон одржливо управување со отпад и чиста животна средина во Југоисточниот плански регион.