НОВУС разви експертски материјали за финансиска писменост како алатка за борба против корупцијата кај младите

Со цел унапредување на едукацијата и градење на капацитетите на младите, НОВУС (преку Секторот за развој на заедницата) изработи нов сет на експертски документи и едукативни материјали кои ќе се користат во претстојните обуки и едукативни програми.

Овие ресурси се темелно развиени за да им овозможат на младите лица суштинско разбирање на финансиите, со посебен фокус на нивната улога во општеството. Клучниот документ е пишаниот модул насловен „Финансиската писменост како клучна вештина за младите лица за подобро препознавање и справување со корупцијата во управувањето со јавните финансии“.

За да се осигура практична примена на знаењата, теоретскиот дел (опфатен низ три дела – Д1, Д2 и Д3) е надополнет со три специјализирани додатоци кои содржат интерактивни и практични вежби за секој модул поединечно.

Овие материјали претставуваат значајна алатка која ќе се користи за едукација на идните генерации, помагајќи им не само да ги менаџираат сопствените средства, туку и активно да бараат отчетност и транспарентност во управувањето со јавните финансии.

Материјалите може да се преземаат од следниот линк: https://associationnovus.org/en/expert-documents/