Академија Пандев замина на подготовки во Анталија

Есенскиот вицешампион Академија Пандев денеска замина на 12 дневни подготовки во Анталија, Турција, во рамки на подготовките за вториот дел од првенството на Првата МФЛ.

Во Турција „пандевци“ ќе одиграат 4 контролки и тоа со екипите на Нови Пазар од Србија, (23 јануари), потоа со Лиапи од Косово (27 јануари), Крилја Совјетов од Русија (30 јануари) и на крајот со бугарската ЦСКА на 31 јануари.