Гевгеличанка загинала во сообраќајка откако излетала со возилото

На 25.11.2024 во 07.00 часот во Полициската станица Гевгелија било пријавено дека на автопат А1, на делницата од клучка село Прдејци до клучка село Смоквица, патничко возило „шкода“ со гевгелиски регистарски ознаки, управувано од В.К.(56) од Гевгелија, излетало надвор од патот.

Од здобиените повреди на местото починала В.К., а смрт констатирал лекар од Медицински центар Гевгелија.

Увид на местото извршиле јавен обвинител од Основното јавно обвинителство Гевгелија и екипа на ОВР Гевгелија.

По наредба на обвинител телото на починатата било предадено на обдукција.