Камион удрил во велосипед, повреден еден малолетник

Вчера во 16:30 часот во СВР Струмица било пријавено дека на магистрален пат Струмица-Радовиш, на делница од ,,Василевска Крстосница“, товарно возило „сканија“, со гевгелиски регистарски ознаки, управувано од С.Д.(45) од Богданци, удрило во велосипед, управуван од двајца малолетници од Струмица, соопштија денеска од МВР.

Во несреќата еден од малолетниците се здобил со тешки телесни повреди констатирани во Медицински центар Струмица.

Увид на местото извршила увидна екипа од СВР Струмица.