Одбележана осумгодишнината од големиот пожар над Струмица

Пред спомен обележјето што општина Струмица го подигна во чест на четворицата храбри граѓани кои животите ги загубија во борбата со огнената стихија, денес беше одбележана осумгодишнината од големиот пожар во близина на месноста „Двата пата“, кој избувна на 23 јули 2012 година.

На одбележувањето, покрај семејствата на загинатите присуствуваа и цвеќе положија делегација на Советот на општина Струмица, претставници на политички партии и членови на семејствата на загинатите во пожарот.

Во обид да се справат со големите огнени јазици, повеќе наши сограѓани се здобија со тешки повреди, а четворица од нив трагично ги загубија своите животи-браќата Перо Стојанов и и Блажо Стојков од селото Рич, Војо Гркљанов од село Вељуса и Мите Ѓеоргиев од Струмица.