Општина Струмица денеска ја посети Ерик Мејер Заменик шеф на мисијата на Амбасадата на САД

Градоначалникот Костадин Костадинов денеска оствари средба со Ерик Мејер, Заменик шеф на мисијата на Амбасадата на САД во Република Северна Македонија и советникот во Амбасадата, Митко Бурчевски, соопштија од Општината.

-На средбата разговараа на актуелни теми и новите предизвици со кои се соочува општина Струмица, при што градоначалникот Костадинов, потврди дека и во време на криза, заедно со општинската администрација и Советот на општина Струмица  успешно ја менаџираат Општината и ги реализираат ветените проекти, стои во соопштението.

Се додава дека во име на досегашната плодна соработка и Костадинов и Мејер потенцирале дека продолжуваат уште повеќе да ги негуваат взаемното пријателство и поддршка.