Полициски билтен:со остар предмед повреден жител на Ново Коњарево, повреден градежен работник од Кратово

На 14.02.2025 во 02:00 часот во село Дражево, струмичко, полициски службеници од СВР Струмица го лишиле од слобода М.М.(47) од Дражево, постапувајќи по претходна пријава дека на 13.02.2025 околу 18:30 часот во угостителски објект во Ново Село, струмичко, со остар предмет го нападнал Д.Ѓ.(57) од Ново Коњарево, струмичко и му нанел повреда. По целосно документирање на случајот, против него ќе биде поднесена соодветна пријава. 

На 13.02.2025 во 17.20 часот во СВР Струмица, од Медицински центар Струмица било пријавено дека кај нив со тешки телесни повреди бил донесен Б.Д.(63) од Кратово. Според пријавеното, тој се здобил со повредите околу 15:30 часот при извршување градежни работи на објект на бул.„Гоце Делчев“ во Струмица. Увид на местото извршиле увидна екипа на СВР Струмица и трудов инспектор.