Захов останува во Шкендија до 2023 година

Костадин Захов останува во Шкендија до 2023 година, откако денеска потпиша нов договор со екипата од Тетово .

Захов е еден од најдобрите голмани во македонската Прва лига и Шкендија направи одличен потег со потпишувањето на нов договор.

„Среќен сум што ќе останам во клубот каде што ги поминав најдобрите денови и остварив големи успеси. Шкендија ми даде многу и се надевам дека на овој начин успеав до некаде да и возвратам“, кажа Захов за официјалната страна на клубот.

Во редовите на Шкендија Захов дојде во 2016 година и од тогаш одигра 176 натпревари.