80 санкции за брзо возење на подрачјето на СВР Струмица

На 11.09.2022 во периодот од 15:00 до 21:00 часот на подрачјето на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената, информираа денеска од МВР.
Притоа, биле констатирани 80 прекршувања на брзината, од кои 28 на подрачјето на Струмица, 24 на подрачјето на Радовиш, 19 на подрачјето на Гевгелија и девет на подрачјето на Валандово. Сите констатирани прекршоци биле соодветно санкционирани.
Засилените акциски сообраќајни контроли продолжуваат и во наредните денови. Од МВР апоелираат до граѓаните да ги почитуваат сообраќајните правила и прописи за да се зголеми безбедноста во сообраќајот и заедно да придонесеме за посигурни патишта.