Црвен крст Струмица одржа симулативна вежба за спасување од земјотрес

Во организација на Општинската организација на Црвен крст Струмица денеска се одржа симулативна вежба за спасување од земјотрес во ООУ „Сандо Масев“ Струмица.

Вежбата се состоеше од симулација на земјотрес, пожари и извлекување на ученици и повредени.

-Вежбовните активности се одвиваат секоја година и оваа ја завршуваме со оваа вежба. Со овие вежби сакаме да ја подигнеме свеста кај граѓаните за сопствената заштита и самозаштита, како и спроведување на законските одредби и зголемување на знаењата на наставниот кадар и на учениците, кои се најранлива категорија во вакви случаи, рече Љупчо Јанков од Црвен крст Струмица..

Во вежбата покрај волонтерите на Општинската организација на Црвен крст учествуваа пожарникари од ТППЕ Струмица, ДЗС, ЦУК и Итната медицинска помош.