Почна реконструкцијата на ОУ „Гоце Делчев“ во Вељуса

Општина Струмица и Министерството за образование и наука започнаа со комплетна реконструкција на на училиштето „Гоце Делчев“ во населеното место Вељуса.Со неа ќе бидат изведени градежни зафати на кровната конструкција, фасадата, санитарните јазли, внатрешниот дел, кои ќе обезбедат квалитетен простор за учениците, поголема енергетска ефикасност и противпожарна заштита на објектот, а ќе бидат изведени и пристапни рампи и посебен тоалет за лицата со попреченост.

Вкупната вредност на реконструкцијата изнесува околу 40.000.000 денари, а според планот градежните работи треба да завршат за 6 месеци.